Salamo 24:5-9

⁵Ia GUIAU ena ainauia lolona abo i abi, eo nige abahegiruna ena mauri Eaubadana matana eai.

⁶Ia tau eo’oina isina adi ao ede ina, Iakobo ena Eaubada matana taueo’oina wa.

⁷Urumiu au lauisinidi, omi gana dobilamiu e! Omi se lauisinimiu, gudu lailaimiu beabeamiu e! Namanamari Wasawasana bena i lusorama!

⁸Wau namanamari Wasawasana wa eai? GUIAU ede, ma adidirina, ma gigiborina, GUIAU ia iala eai i gigibori wa!

⁹Urumiu au lauisinidi, omi gana dobilamiu e! Omi se lauisinimiu, gudu lailaimiu beabeamiu e! Namanamari Wasawasana bena i lusorama!