SALMOS 139:2-12

²Ta cuali tijmati intla nimosehuía o nimoquetza. Huan quema niitztoc huejca, ta tijmati tlachque nijpixtoc ipan notlalnamiquilis.

³Ta tinechnextilía nopa ojtli tlen monequi nijtoquilis, huan tinechilhuía canque nicalaquis huan canque nimosiyajcahuas. Sesen tlalochtli ta tijmati canque niitztoc.

⁴Ta TOTECO, tijmati tlachque niquijtos hasta quema aya nicamati.

⁵Ta tinechyahualojtoc pampa tiya ica noixtla huan ica noica, huan nopani tijtlalía moma para tinechtiochihuas.

⁶Nochi ni tlamantli tlen ta tijmati nelía yejyectzi, huan ohui para nijneltocas.

⁷Ax cana hueli nimotlatis tlen moTonaltzi. Ax cana huelis nimotlatis huan ax tiitztos nopano.

⁸Intla nitlejcos hasta elhuicac para nimotlatis, ta nopano tiitztoc. Huan intla niyasquía ipan nopa hueyi tlacoyoctli campa itztoque mijcatzitzi, ta nepa tiitztoc.

⁹Intla nijpiyasquía noeltlapal huan nipatlanisquía, huan niquixcotonasquía nopa hueyi atl,

¹⁰hasta nepa tinechyacanasquía ica mohueyi chicahualis.

¹¹Intla nijchihuasquía campeca para nimotlatis ipan tzintlayohuilotl, nopa tzintlayohuilotl mocuepasquía tlahuili yahualtic tlen na, pampa ta tiitztos nopano.

¹²Pampa niyon nopa tzintlayohuilotl ax hueli nechtlatis moixtla, Toteco. Pampa para ta nopa yohuali tlahuía queja elisquía tonaya. Nopa tzintlayohuilotl huan tlahuili ta tiquita san se.