SALAMO 90:5-15

⁵Oi ese taunimanima na o ha-arudia oho; idia na nihi na heto; idia na rei daba ai e vara loumu na heto:

⁶daba ai e varamu, e tubumu; adorahi ai e maraimu bona e kakoromu.

⁷Badina be emu badu ese e habuamai tari, emu badu ese e ḡovamai.

⁸Emai kara havara na oi vairamu ai vada o ato lasi, bona emai kerere hehunidia na oi vairamu diarina ai danu.

⁹Badina be emai dina iboudiai na oiemu badu henunai vada e lao bubuni; emai mauri laḡanidia vada e oremu, hahodi tamona na heto.

¹⁰Emai mauri laḡanidia na hitu-ahui, eiava goada dainai bae taurahani-ahui readia; to idia na hekwarahi ai bona lalo-hisihisi ai e honu honu daemu; idia na e ore haraḡamu, bena ai na dauha a roho laomu.

¹¹Daika ese emu badu siahuna e laloamu? Daika ese emu badu na igari-henimu ida e haheḡereḡereamu?

¹²Oi ese emai dina ihagaudia ba hadibamai, bena lalomai ese aonega bae davari.

¹³Iehova e, a lou mai! Edena nega ai baoma? Emu hesiai taudia a bogadia hisi.

¹⁴Daba ai emu hebogahisi amo ba ubumai; emai dina iboudiai baia hisi dae bona baia moale helaoreana.

¹⁵Ba hamoalemai dinadia na o hahisimaiva dinadia ida ba haheḡereḡeredia, bona dika a mamiava laḡanidia ida danu bae heḡereḡere.