SALAMO 72:1-12

¹Dirava e, emu hahemaoro ḡoeva-daena na hanua pavapavana ba henia, emu kara maoromaoro na hanua pavapavana natuna ba henia.

²Ba durua, emu orea taudia baine hahemaoro henidia mai maoromaorona ida, emu ogoḡami taudia baine hahemaoro henidia ḡoevaḡoeva.

³Ororo badadia ese taunimanima edia maino bae havaraia, ororo maraḡidia ese taunimanima edia kara maoromaoro bae havara.

⁴Ia na ogoḡami taudia ediai baine tao; e dabumu taudia na ia ese baine hamauridia, e daḡedaḡe henidiamu tauna na ia ese baine taoa tari.

⁵Dina bona hua bae mia negadia iboudiai, iena mauri danu do baine mia, uru iboudiai lalodiai.

⁶Medu na e utua guna reina latanai e dihomu na heto, medu maraḡidia na tanobada e haparipariamu na heto, ia danu unu baine heto.

⁷Ena dina iboudiai kara maoromaoro baine tubu, maino danu baine bada, ela bona hua baine puki oho.

⁸Davara ta amo ela bona davara ta, ia baine lohia; sinavai badana ela bona tanobada dokodia danu.

⁹Ia inaina na ia vairanai bae igo diho, bae goru goru diho, kahu bae demari.

¹⁰Tarasisi pavapavadia bona motumotu pavapavadia ese edia heaiva ḡaudia bae mailai, ena. Sieba bona Seba pavapavadia ese herahia ḡaudia bae mailai.

¹¹Pavapava iboudiai na ia vairanai bae goru diho; bese iboudiai na ia isiaina bae lao heni.

¹²Badina be e dabumu tauna e boiboimu negana ai ia ese e hamauriamu, ogoḡami tauna bona asi iduruna tauna danu.