SALAMO 6:4-10

⁴Lohiabada e, oi mai, bona lau do oi hamauria. Oiemu bogahisihisi dainai, mase dekena amo lau do oi veria mauri.

⁵Badina be ia mase neganai, tau ta ese oi ia laloa diba lasi. Mase taudia edia gabu dekenai, daika ese oi do idia hanamoa?

⁶Lalohisihisi dainai lau manoka noho. Hanuaboi ta ta ibounai lalonai, egu geda dekenai lau tai noho, tai noho. Egu mahuta geda be, egu matana ena ranu ese ia hapariparia vadaeni.

⁷Egu matana be idia diburadibura noho, egu lalohisihisi dainai. Egu matana be idia manoka noho, tau buruka ena matana bamona, badina lau hadikaia gwauraia taudia be momo herea.

⁸Kara dika taudia ibounai e, lau dekena amo do umui siri! Badina be Lohiabada ese egu taitai, ena regena ia kamonai vadaeni.

⁹Lohiabada ese egu noinoi ia kamonai noho. Egu guriguri durua totona ia kamonai henia.

¹⁰Lau idia hadikaia gwauraia taudia, be do idia hemarai, bona edia lalodia do idia hekwarahi. Dirava ese idia do ia hagaria, bona lau dekena amo do ia luludia haraga.