Kap 6:4-10

⁴Yawe, tobɨl obɨŋek yokwikon baŋ abɨdoki. Bɨsapmɨ bɨsapmɨ amɨn do but dasi galak taŋ yomɨsal, do aŋpulugaŋbɨ dɨma kɨmokgeŋ.

⁵Amɨn kɨmakbi dɨma nandaŋ gamaŋ. Kɨmakbi tamogwan da gak dɨma aŋkɨsaŋ.

⁶Iyoŋ iyoŋ yaŋ egapbo tapmɨmno wagɨlsi maŋ mudoŋ. Kalbi morap kunam pakbino da tamono wagɨlsi aŋgɨk asak. Kunam tagapbo busuŋ kɨdɨŋno madepsi gɨk tosok.

⁷Uwalno morapmɨsi, do kunam gɨn tak egapbo dabɨlno pɨrɨropmaŋ. Aŋakwa yo kɨnda dɨma kosot.

⁸Kunam tak egapbo Yawe da kɨlɨ nandaŋ namgut, do aŋpak yokwi aŋ amɨn ji kɨsisi nepmaŋdek kɨt.

⁹Yawe da aŋpulugosak do aŋek yaŋ tɨdaŋapbo nandaŋ namgut. Yawe da bɨsitno nandagɨt.

¹⁰Uwalno kɨsisi mayaktok ae but yokwiyo pakdaŋ. Tepmɨsi tobɨl kɨŋek mayaktok pakdaŋ.