SALAMO 59:4-16

⁴Iehova e, dia lauegu kara dika eiava lauegu kara havara daidiai, eiava dia lauegu kerere dainai, idia ese e heaumu bona e heḡaeḡaemu. A noga, ikahagu aoma, a itaia!

⁵Iehova Sabaota, oi na Israel edia Dirava. A noga, bese iboudiai matadia ba hakanidia, kara dika e haero hehunimu taudia ta basio bogaia hisi. (Selah)

⁶Adorahi iboudiai idia na e lou maimu, sisia na heheto e ḡoumu, hanua lalonai e igo Ioamu.

⁷Ḡaudia bunu, ududia amo e lolomu, bibinadia amo e ḡiḡimu. Badina be idia na e tomamu “Daika ese baine kamonai?”

⁸Iehova e, oi ese o kirikirilaidiamu, bese iboudiai oi ese o kirikirilaidiamu.

⁹Egu Goada e, oi ihanamolaimu anedia baina abi, badina be, Dirava e, oi na egu kohoro.

¹⁰Egu Dirava na ena hebogahisi ai baine hedavari henigu, egu Dirava ese egu dala baine kehoa, inaigu edia darere do baina itaia.

¹¹Basio aladia mase, egu orea taudia bae helalo boio na garina, emu siahu amo ba hahekwakwanaidia bona ba haketodia, Ḡaubada e, emai kesi.

¹²Ududia edia dika, bibinadia edia hereva, daidiai edia heaḡi ai bae hedoa. Heuduguirai bona koikoi herevadia vada e gwaurai daidiai,

¹³badu ai ba ha-oredia, ba ha-oredia ela bona bae boio vaitani. Unu amo taunimanima bae diba Dirava ese Iakob e lohiaiamu ela bona tanobada dokona.

¹⁴Adorahi iboudiai idia na e lou maimu, sisia na heheto e ḡoumu, hanua lalonai e igo loamu.

¹⁵Aniani itahuna e loa eva-evamu, bona bogadia asie kumumu negadia ai e ḡiḡimu.

¹⁶A lau na oiemu goada baina anelaia, daba ai emu hebogahisi baina anelaia bada; badina be oi na egu kohoro, bona egu roho-mauri gabuna, egu hisihisi dinana ai.