Salamo 57:2-7

²Ea eogalau Eaubada Saesae Aririna arinai, Eaubada arinai ia wa ena nuatu enagu i hemamohoiei.

³Galewa eai abasaguigu ia abo i hetamariama eo abo i hemaurigu, aidobu bena se ututawaigu abo i hetaumaeamaeadi. Eaubada ena gadosisi miatahitahina, eo ena riba hemamohoiena abo i hetamarilaei!

⁴Liona boeadi eai ea laulauota, isi se lelehi ariri bena tatao se aidi, moadi ede alahia eo pidu, memenadi alahia matamatadi ede.

⁵Eaubada e, oa abo u sae ariariri galewa ewana eai! Em namanamari tanoubu bena i hemonau!

⁶Hiana se gala nonohai aegu adi, ea nuaporohe ariri. Duha se sara eau egu dobila eai na isi, isibom se beudobi alona eai.

⁷Eaubada e, nuagu i otaesegai, nuagu i ota esegai. Abo ea wana eo salamo aridi eai abo ea hedebasaei!