SALMOS 57:2-7

²Nijtzajtzilis Toteco Dios Catli Más Hueyi. Quena, nijnojnotzas Toteco Dios catli nochipa nechpalehuía ipan nochi tlamantli.

³Tlen ilhuicac nechtitlanilía itlapalehuil para nechmaquixtis. Yaya nechchololtis ininmaco nocualancaitacahua catli ica miyac cualantli nechtepotztocatinemij, huan quinequij nechtzontlamiltise. Pampa yaya Toteco Dios temachtli huan tlahuel nechicnelía.

⁴Nechyahualojtoque masehualme catli mosisiníaj quen tecuanime. Inincamanal eltoc quen tlitl catli quisa inincamaco. Inintlancoch tlajtlatequi quen cuatlamintli huan ininnenepil tlatequi quen machete.

⁵NoTeco Dios, nochi ma mitzhueyichihuaca ipan nochi ilhuicactli. Mohueyitilis ma quitemiti ni tlaltipactli.

⁶Nocualancaitacahua quitlalijtoque se tlaquetztli para ma nimasi, yeca tlahuel nimajmahui. Nojquiya quichijque se ostotl ipan ojtli para ma nimoostohui, pero xiquita inijuanti huetzque nopona.

⁷NoTeco Dios, ipan noyolo nipaqui huan nijpiya tlasehuilistli. Huan yeca nimocualtlalijtoc para nihuicas huan nijsencahuas tiohuicatl para ta.