Sam 57:2-7

²Tepa la si rau koasa Tamasa pu Ululu Hola koari doduru, koasa Tamasa pu va gorevura i sari doduru qua hiniva.

³Kaqu olaṉa mae si Asa pa Maṉauru pude harupau. Kaqu va kilasi Sa sarini pu kukiti nau. Kaqu va dogoro nau Sa sa Nana tataru nabuna, meke kopu ni Sa sari Nana zinama.

⁴Koa si rau pa varikorapadi ri na kana, pu guana laione variva matedi, sari na livodi si ṉaru guana tupi na hopere, sari na meadi si ṉaru guana magu varipera.

⁵Kei Tamasa, Mu koa tavalavata si Goi panaulu pa Maṉauru! Sa Mua minataqara si mani ta dogoro pa doduru kasia popoa.

⁶Sari na qua kana si tavetia si keke sipata pude vagi au, talotaṉa hola si rau. Gelia rini si keke pou pude va hoqa au, gua, ba hoqa pule tugo teledia koasa pou asa.

⁷Kei Tamasa, raṉeraṉe valeana qua si rau, ke kaqu kera vahesi Igo rau si Goi.