SALAMO 55:4-15

⁴Lalogu na e hisihisi badamu; mase ena hahegari na latagu ai vada e kau.

⁵Gari bona kudou-hetaha ese e butugu taomu, laumagu na e dauremu.

⁶Na tomu “Bema mai hanigu, pune na heto, bena bama roho lao, bama laga ani;

⁷oibe, dauha bama lao, tano ḡaḡaena ai bama noho; (Selah)

⁸bama lao haraḡa, hemetai gabuna bama tahua, lai bona medu ilao-ahudia”.

⁹Ḡaubada e, edia lalo-hadai ba hadikadia, gadodia ba haheḡonudia; badina be haheala bona heatu na hanua ai na itamu.

¹⁰Dina ai bona hanuaboi ai maḡuna e rakaia heḡeḡemu, hedibaḡani bona hekwarahi na ia lalonai e miamu, hahebua-tari na ia bogaraginai;

¹¹daḡedaḡe bona koikoi karadia na ena ariara ai asie dokomu.

¹²E kirikirilaigumu tauna na dia inai tauna, bema unuheto, bama haheauka; e ihi-ihiraigumu tauna na dia inai tauna, bema unuheto, iena amo bama komu.

¹³A tauna na oi, lau idaigu, lau bamogu, lau turagu korikori.

¹⁴Ta hereva-herevava mai moaleda ida, ta raka hebouva Dirava ena ruma ai.

¹⁵Mase na ediai baine kau, mauridia ai mase gabuna ai bae diho, mai garidia ida edia guri ai bae diho, be namo.