SALAMO 37:29-40

²⁹Kara maoromaoro taudia ese tano bae abia, bae noholaia hanaihanai.

³⁰Kara maoromaoro tauna uduna ese aonega herevadia e gwauraimu, ia malana ese hahemaoro herevadia e gwauraimu.

³¹Ena Dirava ena taravatu na lalona ai; ia aena na se dedimu.

³²Kara dika tauna ese kara maoromaoro tauna e itaia taomu, ia iala-masena dalana e tahuamu.

³³Iehova ese ia imana ai basine negea, bona bae hahemaoro henia negana ai baine rudia, basie revaia.

³⁴Iehova ba naria, iena dala ai ba raka, bena baine abimu dae, tano na bavabia oiemu; kara dika taudia ihabua-taridia danu ba itaia.

³⁵Kara dika tauna vada na itaia, e lao hereava, e tubu badabadava, Lebanon ai sida auna ta na heto;

³⁶Ma na raka hanai, ia na lasihia; na tahua, to asina davaria.

³⁷Asi ena kerere tauna ba haeroa, bona kara maoromaoro tauna ba itaia, badina be dokona ai ia ese maino baine abia.

³⁸A kara dika taudia na bae mase ore, dokona ai bae henege daure.

³⁹Kara maoromaoro taudia ihamauridia na Iehova ena amo; ia na edia hahemauri gabuna, hekwarahi negadia ai.

⁴⁰Iehova ese e durudiamu bona e hamauridiamu; ia ese kara dika taudia imadia amo e hamauridiamu, e harohodia maurimu, badina be idia ese ia e abidadama heniamu.