Salamo 31:1-9

¹GUIAU e, egu abahomo ede oa, taba nige se hetaumaeamaeagu, nige ariariri; em laulau dudurai debana eai bena u lebohaigu!

²U ataatailaoma arigu eai, u heurama u saguhaigu! Oa bena egu ababawayamui we’una, egu abamia adiadidirina abo arinai ea mauri!

³Mamohoi oa egu we’utau eo egu abamia adidirina; esam debana eai bena u woeaigu eo u eda bagunaegu.

⁴Siposipo se abinonoha eamuyamui enagu, bena arinai u eairihaigu, paana egu abahomo ede oa.

⁵Earuagu ta ea leawa oa nimam eai, GUIAU e, Eaubada mamohoina, oa u unehaiguo.

⁶Aidimodi oitau borabora se nuanuatuidi oa u hewaiunuedi; na eau GUIAU mo ea sunumaei.

⁷Abo ea kode ariri eo nuagu i lolo oa em gadosisi miatahitahina debana eai, paana egu amamna u itayao, egu lauita oa u nuatuidio,

⁸na nige u moselaegu waiunu nimana eai, aegu mo u hetorodi eanua magamagagana eai.

⁹GUIAU e, bena u nuatoatoaegu, paana ea ai’iwala; matagu i beruberuo nuadubu debana eai, nuagu eo taugu hinage.