Salamo 24:1-7

¹Tanoubu ma ginaurina gamagarina GUIAU enana ede, tanoubu eo isi taumiaina gamagaridi hinage.

²Paana ia iabom gabogabo potana eai i hetoro, eo goila ubu eai potadi eai i tore komakomani.

³Eai gonoana abo i dalasae GUIAU ena oea tupina eai? Eo eai ena eanua tabuna eai abo i toro?

⁴Ia wa ena nimana se a’a, eo nuana i a’a mamohoi hinage, ia wa nuana taba nige i sae ginauri borabora arinai, eo nige i aigora borabora.

⁵Ia GUIAU ena ainauia lolona abo i abi, eo nige abahegiruna ena mauri Eaubadana matana eai.

⁶Ia tau eo’oina isina adi ao ede ina, Iakobo ena Eaubada matana taueo’oina wa.

⁷Urumiu au lauisinidi, omi gana dobilamiu e! Omi se lauisinimiu, gudu lailaimiu beabeamiu e! Namanamari Wasawasana bena i lusorama!