SALAMO 147:6-17

⁶Vada a moidia tao taudia na ia ese e abidia isimu, a kara dika taudia na ia ese tano ai e tahodia dobimu.

⁷Iehova ihanamolaina anedia bavabi; eda Dirava na gitara anedia amo ba hamoalea.

⁸Ia ese guba na ori amo vada e ḡovaia ahu; medu e heḡaeḡaelaiamu, tanobada ena, bona rei e hatubuamu ororo ai.

⁹Uda ḡaudia na adia e henidiamu; mukou natudia e taimu negadia ai na ia ese e ubudiamu.

¹⁰Hosi ena goada na se moalelaiamu, tau aena danu se moalelaiamu;

¹¹a Iehova ese ia garina e garimu taudia na e moalelaidiamu, bona ena hebogahisi e laroamu taudia danu.

¹²Ierusalem e, Iehova ba imodaia. Siona e, emu Dirava be imodaia.

¹³Badina be ia ese emu ikoukou auridia e ha-aukadiamu, bona natumu e hanamodiamu maḡumu ai.

¹⁴Maino e havaraiamu emu tano hetoadia ai; uit namo-hereana amo e hahonumumu.

¹⁵Ena haheḡani e siaiamu, tanobada enai; ena hereva na e lao haraḡamu.

¹⁶Snow e henimu, beberoho na heto; medu-hetarina e ḡiḡia rohorohomu, kahu na heto.

¹⁷Ice e tahoa lasimu, aniani momorudia na heheto. ena keru ai daika baine gini?