SALAMO 147:10-19

¹⁰Hosi ena goada na se moalelaiamu, tau aena danu se moalelaiamu;

¹¹a Iehova ese ia garina e garimu taudia na e moalelaidiamu, bona ena hebogahisi e laroamu taudia danu.

¹²Ierusalem e, Iehova ba imodaia. Siona e, emu Dirava be imodaia.

¹³Badina be ia ese emu ikoukou auridia e ha-aukadiamu, bona natumu e hanamodiamu maḡumu ai.

¹⁴Maino e havaraiamu emu tano hetoadia ai; uit namo-hereana amo e hahonumumu.

¹⁵Ena haheḡani e siaiamu, tanobada enai; ena hereva na e lao haraḡamu.

¹⁶Snow e henimu, beberoho na heto; medu-hetarina e ḡiḡia rohorohomu, kahu na heto.

¹⁷Ice e tahoa lasimu, aniani momorudia na heheto. ena keru ai daika baine gini?

¹⁸Ena hereva e siai lasimu, e havevedia ohomu; ena lai e hatoaiamu, bena ranu e arumu.

¹⁹Ia ese ena hereva na Iakob e gwaurai heniamu; ena taravatu bona ena hahemaoro herevadia na Israel e heniamu.