SALAMO 145:14-20

¹⁴Iehova ese e ketomu taudia iboudiai na e abidia isimu; e nunumaidia tarimu taudia iboudiai na ia ese e veridia toremu.

¹⁵Mata iboudiai ese oi e haḡeremumu; oi ese adia o henidiamu, ta ta ena nega ena nega ai.

¹⁶Oi imamu o kehoamu, mauri ḡaudia iboudiai bogadia o hakunudiamu.

¹⁷Iehova ena dala iboudiai na mamaoro-mamaoro, ena kara idoinai na mai hebogahisina.

¹⁸Iehova na e boi heniamu taudia iboudiai dekedekediai, e boi heniamu mai momokanidia ida taudia iboudiai dekedekediai.

¹⁹Ia garina e garimu taudia iboudiai edia ura na ia ese e haḡuḡuruamu, edia taitai danu e kamonaimu, bona e hamauridiamu.

²⁰Ia e ura heniamu taudia iboudiai na Iehova ese e hamauridiamu, a kara dika taudia iboudiai na ia ese baine habuadia tari.