SALAMO 140:3-13

³Maladia na e hamatakamu, gaigai malana na heto; bibinadia henudiai na hekori gaigaidia edia mase muramurana. (Selah)

⁴Iehova e, kara dika taudia imadia amo ba gimagu, daḡedaḡe taudia edia amo ba hamaurigu; idia ese aegu ihahetutuhidia dalana vada e haeroa.

⁵Heaḡi taudia ese rikiriki vada e hunia, iabigu totona, huo vada e otoa, dala isena ai idoalaigu ḡaudia vada e kara. (Selah)

⁶Iehova na hamaoroamu, na tomu “Oi na egu Dirava”; Iehova e, egu noinoi herevadia ba hakala heni.

⁷Iehova e, egu Ḡaubada, ihamaurigu tauna mai goadamu, tuari dinana ai kwaragu vada o laoa ahu.

⁸Iehova e, kara dika tauna ena ura basio henia; ena lalo-hadai dikana basio durua. (Selah)

⁹E ḡeḡegu daemu taudia na kwaradia e abidia isimu; bibinadia herevadia dikadia ese bae hadareredia;

¹⁰lahi gidadia na latadiai bae moru, guri ai bae tahodia dobi, basie tore isi lou,

¹¹Taunimanima ihadikadia herevadia e gwauraimu tauna na tano ai basine noho taritari; dika ese daḡedaḡe tauna na baine lasia tao haraḡa.

¹²Lau dibagu Iehova ese hisi e animu tauna ena dala baine hamiaia, bona e dabumu tauna na ahuna maorona baine henia.

¹³Momokani, kara maoromaoro taudia ese oi ladamu bae hanamoa, kara ḡoevaḡoeva taudia na oi vairamu ai bae noho.