SALAMO 135:7-21

⁷Ia ese ori e hadaediamu, tanobada dokona amo; bona kevaru e karaiamu, medu ena, bona lai na ena roge amo e halasidiamu.

⁸Ia ese Aigupto ai natu-roboadia e aladia mase, taunimanima natudia roboadia bona boroma natudia roboadia.

⁹Aitupto e, oi bogaragimu ai, ia ese toa bona hoa karadia e siaidia, Farao bona ena hesiai taudia iboudiai ihadikadia.

¹⁰Ia ese bese momo e habuadia tari, bona pavapava mai siahudia e aladia mase:

¹¹Sihon, Amoro taudia edia pavapava, bona Og, Basan pavapavana, bona Kanaan basileiadia iboudiai.

¹²Edia tano e heni lao, haida ese e ḡaunaia, ena orea taudia Israel ese e ḡaunaia.

¹³Iehova e, oi ladamu na e hesiriu hanaihanaimu; Iehova e, oi harimu na laḡani laḡani e miamu.

¹⁴Badina be Iehova ese ena orea taudia na maorodia baine gwaurai, bona ena hesiai taudia na baine bogadia hisi.

¹⁵Bese idau-idau edia kaivakuku na silver bona gold amo e karadiamu, taunimanima imadia karakaradia:

¹⁶mai ududia, to asie herevamu; mai matadia, to asie itamu;

¹⁷mai taiadia, to asie kamonaimu; bona asi laḡadia ududia ai.

¹⁸E karadiamu taudia na idia heḡereḡeredia ai baela; oibe, e abidadama henidiamu taudia iboudiai danu.

¹⁹Israel besena e, Iehova ba hanamoa; Aaron iduhuna e, Iehova ba hanamoa;

²⁰Levi iduhuna e, Iehova ba hanamoa; Iehova garina o garimu taumui e, Iehova ba hanamoa.

²¹Siona amo Iehova ba hanamoa; ia na Ierusalem ai e nohomu. Iehova ba imodaia.