SALAMO 123:1-4

¹Lohiabada e, egu matana be oi dekenai lau negea noho. Oi be guba dekenai oi helai noho, guba ena King.

²Hesiai tauna ese iena biaguna ia abidadama henia noho, bona hesiai kekeni ese, iena biaguna hahine ia abidadama henia noho hegeregerena, ai ese unai bamona oi dekenai do ai abidadama henia noho, ela bona oi ese ai dekenai oi bogahisihisi henia.

³Lohiabada e, ai dekenai do oi bogahisihisi, badina be taunimanima ese ai idia kirikirilaia bada vadaeni.

⁴Nega daudau herea, be noho kava bona mai edia hekwarahi lasi taudia ese, ai idia hevaseha henia, bona hekokoroku taudia be mai dagedage danu, ai dekenai idia hereva dika vadaeni.