Psalm 123:1-4

¹I KIN sarada wong komui, me kotikot nanlang.

²Kilang, duen mas en ladu kan kin kilekilang lim en ar saumas akan, o duen mas en lidu kan kin kilekilang a saumas li, iduen mas at kin ariri Ieowa at Kot, a lao kotin maki ong kit.

³Maing Ieowa, kom kotin maki ong, kotin maki ong kit! Pwe kit me dir en namenok.

⁴Moniong i toutouki en me sued akan ar mamale kin kit o en me aklapalap akan ar kanamenok kin kit.