Sòm 37:23-27

²³Seyè a pran men lèzòm, li mete yo nan bon chemen. Li kontan wè yo mache dwat.

²⁴Si yo tonbe, yo p'ap rete atè a. Paske Seyè a ap ba yo men.

²⁵Depi mwen timoun jouk mwen vin granmoun, mwen pa janm wè Bondye lage yon moun ki mache dwat, ni mwen pa janm wè pitit pitit li yo ap mande charite.

²⁶Okontrè, moun ki mache dwat l'a toujou gen kè sansib pou l' bay, pou li prete moun tou. Tout pitit pitit li yo tounen yon benediksyon pou lòt moun.

²⁷Pa fè mal, fè sa ki byen. W'a toujou gen yon kote nan peyi a pou ou rete.