Sòm 30:7-11

⁷(030:8) Seyè, ou fè m' favè, ou mete m' chita sou yon mòn byen wo. Men, kou ou vire do ban mwen, kè m' kase.

⁸(030:9) Mwen te kriye nan pye ou, Seyè. Mwen te mande ou sekou.

⁹(030:10) Si ou kite yo touye m', sa sa ap fè pou ou? Si ou kite m' ale anba tè, sa sa ap rapòte ou? Eske moun mouri ka fè lwanj ou? Eske yo ka mache di jan ou toujou kenbe pawòl ou?

¹⁰(030:11) Koute m' non, Seyè! Gen pitye pou mwen! Seyè, pote m' sekou!

¹¹(030:12) Ou siye dlo nan je m', ou fè kè m' kontan anpil. Ou wete rad dèy ki te sou mwen an, ou ban m' yon bèl rad mete sou mwen pou m' fè fèt.