Sòm 25:10-14

¹⁰Moun ki kenbe kontra li fe ak yo a, moun ki obeyi kòmandman l' yo, li fè yo wè jan li renmen yo, jan li p'ap janm lage yo.

¹¹Seyè, poutèt non ou pote a, padonnen peche m' yo, paske yo anpil.

¹²Si yon moun gen krentif pou Seyè a, Seyè a va moutre l' chemen pou l' pran.

¹³L'ap toujou gen kè kontan. Pitit li yo va pran peyi a pou yo.

¹⁴Seyè a, se zanmi moun ki gen krentif pou li. Li fè yo konnen kontra li pase ak yo a.