Sòm 145:11-15

¹¹Y'a di jan ou gouvènen avèk otorite. Y'a fè konnen jan ou gen pouvwa,

¹²pou tout moun ka konnen jan ou gen fòs, jan ou gouvènen avèk otorite.

¹³Gouvènman ou lan la pou tout tan. W'ap dominen pou tout tan. Seyè a ap toujou kenbe pawòl li yo, Li bon nan tou sa li fè.

¹⁴L'ap soutni tout moun k'ap tonbe. Li bay tout moun ki nan lafliksyon kouraj.

¹⁵Seyè, se sou ou tout moun ap gade. Ou ba yo manje lè yo bezwen manje.