Roomu 7:10-17

¹⁰Onsay yamiroore nawraynde e ngurndan nden nawrimmi ka mayde.

¹¹Ko fii junuubu on ɗaynimmi ɓaarori yamiroore nden, warimmi.

¹²Ɗun non, Sariya on ko *seniiɗo, yamiroore nden kadi ko seniinde, feewunde moƴƴere.

¹³Awa hara ko moƴƴi kon wonanii lan mayde? Pellet oo'o! Kono ko junuubu on, fii yo o feeɲu junuubu, o waɗirii e an mayde rewrude e ko moƴƴi kon, fii yo junuubu on feeɲir no laaɓiri poy junuubu sabu yamiroore nden.

¹⁴E hoore ɗun, hiɗen andi wonde Sariya on ko e Alla iwri, kono min, ko mi neɗɗanke maccinaniiɗo junuubu.

¹⁵Ko fii mi faamaa ko mi woni waɗude kon. Ko mi yiɗi kon kadi mi alaa waɗude ɗun, kono ko ko mi aɲi kon mi woni waɗude.

¹⁶Si tawii miɗo waɗude ko mi faalaaka kon, haray miɗo jaɓi wonde Sariya on ko moƴƴo.

¹⁷Jooni non, hinaa min han kadi woni waɗude ɗun, kono ko junuubu wonɗo e an on.