waRoma 7:10-17

¹⁰Basi ámuri íkijuzi kuja nawo mainsha kwangu, falakini inijisira kifo.

¹¹Kamana dambi itumira nafasi julu ya ámuri‑yo initesa, basi ámuri‑yo inulaya.

¹²Kwa javyo, shariya kinu takatifu, na ámuri kinu takatifu, kamilifu, na cema.

¹³Basi, kinu cema cinisalamurira kifo? Kusema kweli, sivyo! Ila dambi itumira kinu cema kunisalamurira kifo, ipate dambi iwoneke sana-sana kuwa dambi, na julu ya ámuri izidi kuwa mbaya pakulu.

¹⁴Tikwijiwa kuwa shariya ndi ya Roho, fala omi niwa kibinadamu, epa niuzanyiwa niwa ntwana wa kutumikira dambi.

¹⁵Kamana vyanitenda sereriwa: vitendo vyanisaka kutenda, sitenda, na vitendo vyakunikima, novyo ndi vyanitenda.

¹⁶Canitowa kusaka kutenda, nítenda, ntamana omi nikwitikizira kuwa shariya ngema.

¹⁷Fala sambi, sumi mwanyewe niri kutenda ila dambi iri nkati yangu.