ROMUDENƆ 11:14-23

¹⁴de mà a zĩda burinↄ nɛ̀sɛ vutɛ ò gↄ̃ba kpá, mà ń gbɛ̃kenↄ sura ba.

¹⁵Zaakũ Luda gina Isarailanↄi mɛ́ à tò andunia kɛ̀ kãao nna, tó à ɛ̀ra à ń sí dↄ, abire nigↄ̃ de deramɛɛ? Abire nigↄ̃ bi wɛ̃̀ndi ũ gɛ̀nↄnɛ.

¹⁶Tó ò burapↄ káaku kpà Ludaa, a kpara gↄ̃̀ arubarika pↄ́ ũmɛ. Tó lí zĩni de Luda pↄ́ ũ, a gã̀nↄn de a pↄ́ ũmɛ se.

¹⁷Luda kù lí yãpura gã̀ kenↄ zↄ̃̀zↄ̃, akũ à mↄkↄ̃n kũ ń de kùnnɛ lí ũ pɛ̀ a gbɛ̀n, de ǹgↄ̃ kun kũ kù lí mana zĩni gbãnao.

¹⁸Ǹsun kù lí yãpura gã̀ kũ à zↄ̃̀zↄ̃nↄ gya boro. N kɛ dera ntɛn ĩa dãa? Ń kun lí zĩni yãimɛ, adi kɛ lí zĩni mɛ́ à kun n yãiro.

¹⁹Ĩni pi, à lígãa pìnↄ zↄ̃̀zↄ̃ de à n pɛ́ ń gbɛ̀n yãimɛ.

²⁰Lɛmɛ, ama à ń zↄ̃zↄ̃ kũ odi a náani kɛro yãi. Mↄkↄ̃n sↄ̃, n zɛki lè kũ ntɛn Luda náani kɛ yãi. Ǹsun n zĩda biro. Ǹ laakari kɛ!

²¹Lákũ Luda dí gí kù lí yãpura gã̀nↄ zↄ̃zↄ̃iro nà, ani gí n zↄ̃i sero.

²²Ǹ gwa lákũ Luda mana nà, akũsↄ̃ à pãsĩ. À pãsĩ kũ gbɛ̃ kũ ò fùanↄ, akũ à manannɛ, tó n zɛ kũ a manakɛnaao. Tó lɛnlo, ani n zↄ̃mɛ se.

²³Tó Isarailanↄ ń ludanaanikɛnasari tò, ani ɛra à ń pɛ́ ń gbɛ̀mmɛ, zaakũ à ń pɛna ń gbɛ̀n gbãna vĩ.