Rom 16:3-10

³Pen nɨbi Prisila abe, nugmul Akwila abe, Krais nɨp wög jɨm ñun gɨmɨdun ber mɨhau kalɨp hagmim, “Pol kalöp ber mɨhöŋ, ‘Mɨdpil?’ a göp,” a gɨmim.

⁴Nöd yɨp al pak lɨnɨg geila, ber aij yad mɨhau mɨdmil, yɨp amdam gɨlö. Pen halpe ke al pak löl a gɨmil gasɨ u nɨŋagmil anɨg gɨlö, yɨp aij göm, Juda nɨbi bɨ wasö ram mɨnöŋ ke mɨlö gau hag ñɨnö Krais Jisas nɨŋ udpal gau kalɨp abe aij göm göp.

⁵Pen nɨbi bɨ Krais Jisas nɨŋ udpal ram kalɨp ber u magum gɨpal gau kalɨp u rö nöp hagmim, “Pol kalöp, ‘Mɨdpim?’ a göp,” a gɨmim.

⁶Nɨbi Maria kalöp kƚö yabɨƚ wög gɨ ñɨmɨdöp u nɨp hagmim, “Pol nöp, ‘Mɨdpan?’ a göp,” a gɨmim.

⁷Pen bɨ rɨdɨk yad nɨŋeb rö, Adronaikas abe, Junias abe, kalɨp mɨhöŋ hagmim, “Pol kalöp mɨhöŋ, ‘Mɨdpil?’ a göp,” a gɨmim. Kalpe mɨhöŋ Krais nɨp nöd nɨŋ udlö, yad hainö nɨŋ udnö. Yɨp nagɨ lɨla rö, kalɨp mɨhöŋ u rö nöp nagɨ lɨlö, jɨm ñun mɨdmɨdun. Pen bɨ Jisas manö ud arep gau, bɨ anɨb mɨhau kalɨp nɨŋ aij yabɨƚ gɨpal.

⁸Mam mɨdmagö yad Ampliedas, Krais nɨp cɨg aij göp u, nɨp hagmim, “Pol nöp, ‘Mɨdpan?’ a göp,” a gɨmim.

⁹Mam Urbanɨs nɨp hagmim, “Pol nöp, ‘Mɨdpan?’ a göp,” a gɨmim. Mam anɨbu yad aip Krais nɨp wög jɨm ñöl gɨmɨdul. Mam aij Sɨdakis nɨp u rö nöp hagmim, “Pol nöp, ‘Mɨdpan?’ a göp,” a gɨmim.

¹⁰Apeles, marö auö, Krais nɨp nɨŋ ud pɨdöŋ göm mɨd aij göp bɨ u, nɨp hagmim, “Pol nöp, ‘Mɨdpan?’ a göp,” a gɨmim.