25Se foumi: yo tou fèb, men yo pase tout sezon chalè ap fè pwovizyon mete la.
26Se chat mawon: yo pa pi fò pase sa. Men, yo fè kay yo nan twou wòch.
27Se krikèt vèt: yo pa gen chèf, men yo mache pa bann.
28Se zandolit: ou ka pran yo nan men ou. Men, ou jwenn yo nan palè wa yo.
29Gen twa bagay ki bèl lè y'ap mache. Sa m'ap di la a! Gen kat bagay ki gen bèl demach:
30Se lyon, se li ki pi fò nan tout zannimo, li pa pè yo yonn.
31Se bouk kabrit. Se chwal sele bride. Se wa lè y'ap mache devan lame yo.
Pwovèb 30
Pwovèb 30:25-31