Psalms 91:2-11

²e rayag ni ga’ar ngak, “I gur e manaf rog nge yoror rog! I gur e Got rog; ni gur e bpagan’ug ngom.”

³Rib mudugil nra ayuwegnem u urngin e riya’ nda mu nang ni bay’, ngu gubin e liliy ni yima yim’ riy.

⁴Ra upunguyem nga pon; ga ra par u tan pa’ ni dabi buch ban’en rom; feni yul’yul’ e ra yororiyem me n’ufegem.

⁵Ma dabiyag ni ngam tamdag nnep’ nga ban’en ni gomanga ra yib i maad’ad ngom, ara mu ga da’da’ ko cham nike yib ngom ni rran,

⁶ara pi riya’ nma aw ko girdi’ nnep’, ara pi kireb nma thang e fan ko girdi’ ni rran.

⁷Rayag ni nge aw bbiyu’ e girdi’ u to’obem nga but’ ni karm’ad, fa ragag biyu’ u gubin yang u to’obem, machane gur e dabi buch ban’en rom.

⁸Bay mu changar ma gguy rogon ni yibe gechignag e pi’in kireb.

⁹Ni bochan e kam pag fam ngak SOMOL ni ir e ngi i n’ufegem, ni Ir e Th’abi Tolang nma yoror rom,

¹⁰ma aram e dariy ba riya’ nra yib ngom, ma dabi chugur e cham ko tabinaw rom.

¹¹Ra pi’ Got e pi engel rok ngu’ur matanagiyed gur, ma yad be yoror rom ko gin ga be yan riy i yan.