SAM 91:2-11

²Siwan aminu waapata Buyambamtapa anzing iniwik, “Gata na takotnake na gata katak nanduyuwayak. Ga natane Anutuna. Nata gae baniu asinggat.”

³Siakan siknga, Anututa ga katak ganduyuwanu aminu kunduta gutnangge natake bungep pasining ngana ga dua tasiwan maiya. Siwan ga atakotnawanu maiu wai akwakga ga dua taning.

⁴Ita ga katak usikwatapik. Unzing taau minga gwenda mateknga piata usikwatapmanggak binga. Ngan, ina unzakan ga Buyambam tapatane pia sayatde gepbiatang kusopuwi ita ga ganduyuwik. Sike i akganduyutnanga akngae kemu dua yanggak. Unzingge ga Buyambam tapaat yutzon. Unzing aminda amakgane tiunggu sande maseatang kusopunggak binga.

⁵Sike zikaanen, sanga wai tapatue dua gwaumza. Siwan kwakngaomun, sanga takngatuta zeetgaman apu ga tasiwan maiwiakge dua gwaumza.

⁶Sike gatu zikaane maiu buyambamu takngatuta apan kakengu dua gwaumza. Ina unzakan, sanga wai takngatuta gunzitbam tapane gata maiwiakge apan kakengu dua gwaumza.

⁷Sike amak aminda aminu 1,000-nu zipa gae wesim kumning. Siwan 10,000-da katakga siapa saak kumning. Kupanu undanga. Sanga kumnanga aknga gaenganu dua apik.

⁸Unzingge dua gwauke gika kaawinu Anututa waiaknga wai aminda tasikingge yake meya ayamik.

⁹Ga Anutue kuke sanga waiakngae akusopunggayaunin, siwan Anutu enane sikngaapata ga ganduyuak kapanin.

¹⁰Ngan, ita ga tapan takekan yuwi sanga waita gae apnanga dua. Siwan maiu buyambamu takngatu gae yotdane wesimu kunanga dua.

¹¹Dasingge, Buyambam tapata puya angelanae yaman kepi kuupbamu sukuwiyau ita gandutning.