Text copied!
CopyCompare
Kadede Kap Pjam Akan - Psalms - Psalms 89

Psalms 89:5-44

Help us?
Click on verse(s) to share them!
5Nanlan ap kapina omui manaman akan, Main Ieowa, o omui melel nan pokon en japwilim omui jaraui kan.
6Pwe ij nan tapok kan me rajon Ieowa? De ij me rajon Ieowa nan pun en me lapalap akan?
7Kot meid manaman nan pokon en me jaraui kan, o meid kapuriamui on me kaukaujon re a.
8Main Ieowa, Kot Jepaot, ij me rajon komui. Omui melel kin kapil komui pena.
9Komui me kotin kaunda madau anian. Komui kin kamoleilei iluk kan ni ar pan kokoda.
10Komui me kotin tiakedi Raap dueta kamelar amen. Kom kotin kamueit pajaner imwintiti kan ki lim omui manaman.
11Lan o jappa me japwilim omui, jappa o audepa. Komui me kotin pajonedier.
12Komui me kotin wiadar pali apon o pali air, Tapor o Ermon kin nijinijki mar omui.
13Lim omui me mananan o kumut en lim omui me rojon, lim omui pali maun me ileile.
14Melel o pun iei pajon en mol omui; kalanan o melel kin tion mo omui.
15Meid pai aramaj kan, me aja nijinij! Ieowa, re pan weweid ni marain en jilan omui.
16Re kin polauleki mar omui jan ni manjan lel jautik, o re kin pwai kida omui pun.
17Pwe linan en ar kelail komui, o komui pan pokada oj at.
18Pwe Ieowa pere patail o me Jaraui en Ijrael, i atail Nanmarki.
19Maj o kom kotin majanier ki kajanjal kai on me lelapok kan: I kamanadar me Lapalap amen, I kajapwiladar pilipildar amen jan ren aramaj akan.
20I diaradar ai ladu Dawid, I keiekidier i ai le jaraui.
21Pa i pan kolekol i, o pa i pan kamanada i anjau karoj.
22Imwintiti kan jota pan kak widin on i, o me japun kan jota pan kak kaloedi.
23I pan kamela me palian i mo a, o I pan kaloke ir, me kailonki i.
24A ai melel o kalanan pan mi re a, o ni mar ai oj a pan pokapokada.
25I pan ki on pa a, en kaunda madau, o pa a maun, en kaunda pil akan.
26A pan likwir don ia: Komui Jam ai, ai Kot, o paip en maur i.
27O I pan wia kila i nai mejeni, ileila jan nanmarki en jappa kan.
28I pan kalanan on i kokolata, o ai inau on i pan duedueta.
29I pan ki on i kadaudok a kokolata, o mol a pan warai dueta lan.
30A ma na kan pan muei jan ai kapun, o re jota pan weweid ni ai kujoned akan,
31Ma re pan kajaminela ai tiak kan, o jota peiki on ai kujoned akan,
32I ap pan kaloke kin ir ar katiwo ki jokon pot, o pan woki ir, pweki ar japun.
33A I jota pan kiwei jan i ai mak, o ai melel pan mimieta re a.
34I jota pan kawela ai inau, o I jota pan kawukila, me kowei jan nan au ai.
35I kaukilar ai jaraui pan me pak, me I jota pan likam on Dawid:
36Kadaudok a pan joutuk, o mol a dueta katipin mo i.
37A pan duedueta dueta jaunipon; o jaunkadede nan tapok kan me melel. Jela.
38A met komui kajapokela o onioni japwilim omui me keidier.
39Kom kotin kajela inau en omui ladu, o kom kotin kajaminela mar a.
40Kom kotin karonk pajan a kel akan karoj, o kawelar a im teneten kan.
41Karoj me daulier waja o kulia janer; a wialar kankaurur on men imp a kan.
42Kom kotin pokada pali maun en me palian i, o kaperendar a imwintiti kan karoj.
43Kom pil kotiki janer mana en a kodlaj kon, o jota kapwaiada i ni pei.
44Kom kotin kaimwijokalar a linan, o kajedi on nan pwel mol a.

Read Psalms 89Psalms 89
Compare Psalms 89:5-44Psalms 89:5-44