Psalms 71:3-11

³Gur e ngam mang manaf rog nib gel nge ba yoror nib gel nma yororiyeg; gur e war rog ma gur e ga ma n’ufegeg.

⁴Got rog, mu lageg u pa’ e pi’in kireb, ngu pa’ e pi’in darir runguyed e girdi’ nge pi’in kireb e leam rorad.

⁵SOMOL nib Th’abi Tolang, i gur e ke l’agan’ug ngom; ke pagan’ug ngom ni ka nap’an ni kugub bitir.

⁶Kug gif ngom u n’umngin e yafos rog; ka nap’an e nni gargelegeg ni gur e um yoror rog. Bay gu pining e sorok ngom ni gubin ngiyal’.

⁷Yafos rog e ke mang ba machib ko yo’or, bochan ni gur e rungrung ngog nib gel.

⁸Ga’ngin e rran ni gu be pining e sorok ngom, ma gu be weliy feni sorom.

⁹Dab mu pi’ keru’um ngog e chiney ni kug pilibthir; dab mu n’ageg e chiney ni kug me’waer.

¹⁰Pi to’ogor rog e yad ba’adag ni ngar li’edgag ngum’; ma yad be non ma yad be makath nigeg.

¹¹Yad be ga’ar, “Ke n’ag Got e cha’nir; are da leked ngad koled, ya dariy be’ nra ayuweg.”