6Nanlan pan kajaleda a pun; pwe Kot kin kotin kadeikada. Jela.
7Komail nai aramaj akan ron, I pan padaki on komail. Ijrael, I pan kaparoki on komail: Nai Kot, om Kot.
8I jota pan kaloke uk pweki om mairon, pwe om mairon ijij kin wiaui on ia anjau karoj.
9Ari jo, I jota pan ale jan komail kau ol de kut o jip ol jan nan im omail.
10Pwe man en nan wel karoj me ai o pil man akan, me mimi pon nana kid pak toto.
11I aja manpir en nana karoj o jon en man karoj, me mi nan jap, kin mi re i.
12Ma I men manadar, I jota pan indan uk, pwe jappa me ai o audepa karoj.
13Da, koe lamelame, me I kin inon ion uduk en kau ol, de I men nim ntan kut ol?
14Maironki danke on Kot o kapunalan me Lapalap o om inau.
15Likwir don ia ni om injenjued, I ap pan dore uk ala, a koe pan kapina ia.
16A Kot kotin majani on me japun o: Da me koe kaparok duen ai kujoned akan, o lokaia kida au om duen ai inau,
17Pwe koe kin tateki tiak pun o mamaleki ai kujoned akan?