14Kom kotin wia kin kit karajepa eu ren men liki kan o aramaj akan kin dueduälok kin kit.
15I kin jaro nin ran karoj o maj ai me dir en namenok,
16Ni ai roneron aramaj morjued o lalaue, o ni ai kilekilan ai imwintiti o me kin akdepuk kan.
17Mepukat karoj lel don kit er, ari jo, je jota kak monokela komui, de wia dip on japwilim omui inau.
18Monion at jota pupwei jan komui, o je jota wuki wei jan al omui.
19A komui kawe kit alar ni wajan man jued, o kom kadupale kidi mot en mela.
20Ma je monokela mar en at Kol, o pokada pa at on amen kot,
21Kot jota pan kotin diarada? Pwe a kotin mani lol en monion at.
22Pwe kit kin kalokoloke kin komui ni ran karoj, o kit rajon jip me pan kamela.
23Main, kom kotida! Da me kom kotin jaimokela? Kotin opada waja, o der kajapoke kit ala kokolata!
24Da me kom kotin karirila jilan omui, o kotin maliela at luet o at kalokolok?
Psalms 44
Psalms 44:14-24