Psalms 40:10-14

¹⁰Murung’agem nrayag ni ngam mat’awnag e girdi’ ngom e dagu tay rog ni go’ gag e nggu nang; gubin ngiyal’ ni gu ma weliy fanam yul’yul’ nge ayuw ni gama pi’. Dawor gu th’ab gulungag u lan e mu’ulung rok urngin e girdi’ rom ni gu be weliy murung’agen fanam yul’yul’ nge t’ufeg rom ni dabimus.

¹¹SOMOL, gu manang ndabiyag ni ngam tal ni nge dab kum runguyeg! Gelngin nib t’uf e girdi’ rom nge fanam yul’yul’ e bay i yororiyeg ni gubin ngiyal’.

¹²Kug par nga fithik’ e oloboch ni pire’, ndabkiyag i the’eg! Denen rog e ke ingeg, da ku gur guy ban’en; ke pire’ nga piyan lolugeg, ma kug par nike mulan’ug.

¹³SOMOL, mu ayuwegneg e chiney! Mu chuwegeg u fithik’!

¹⁴Mang e yigi par e pi’in yad be guy rogon ni ngar thanged e fan rog ni ka ra waergad ma ke wagagey lanin’rad! Mang e yigi par e pi’in ni kar felan’gad ni bochan e pi oloboch nike yib ngog ngar sulod nike m’ayfarad!