Psalms 37:2-7

²Pwe re pan jorala madan dueta rä, o re pan monedi dueta tan tuka kan.

³Kaporoporeki Ieowa o wiada me mau, kaukaujonta nan jap o, o wiawia me pun.

⁴Polauleki Ieowa, a pan kotiki on uk, me monion om inon ion.

⁵Mueid on Ieowa om wiawia kan o kaporoporeki i, a pan kotin wia mau.

⁶A pan kapwareda om wiawia me pun dueta marain, o om tiak pun dueta nin jauaj.

⁷Kaporoporeki Ieowa ap nenenla o auiaui, o koe der makar kida pan me kin pwaida ni a wiawia kan, ol o, me kin kapwaiada me jued.