15Ai anjau mi nan lim omui, dore ia jan nan pa en ai imwintiti kan o jan me kin pakipaki ia.
16Kamarainiki japwilim omui ladu jilan omui, dore ia ki omui, dore ia ki omui kalanan.
17Main, kom der kotin mueid on, i en joredi; pwe i likwiri won komui. Me japun kan en joredi, pwe irail en nenenla nan wajan mela.
18Kil en au en me likam akan en nenenla, irail, me lalaue me pun kan ni laumaum, o aklapalap, o kaurur.
19Meid laud omui kalanan, me kom kotin nekinekid on me lan komui kan, o me kom kin kajale on ir, me liki komui janjal mon aramaj akan.
20Kom kin kotin karir ir ala re omui jan karoj, me kailon kin ir; kom kin kadupal ir edi jan mon lo akamai.
21Kapina on Ieowa, me kotin kalanan laud on ia nan kanim teneten eu.
22Pwe ni ai peikajal i indindar: I lokidokilar jan mon jilan ar. Ari jo, kom kotin ereki nil en ai nidinid, ni ai potoan werwiwer on komui.
23Komail japwilim a jaraui kan karoj, pok on Ieowa! Ieowa kin kotin jinjila me pojon akan, ap depuk on ir melel, me aklapalap akan.
24Komail karoj me kaporoporeki Ieowa, en kelail o der majak!