Psalms 27:1-8

¹IEOWA kamarain pa i o kamaur pa i, ij me i en majak? Ieowa kel pan maur i, ij me i en lomwinki?

²Ma mejued akan pan tana don ia, pwen kawela uduk ai o ai imwintiti kan, re pan dipikelekel o pupedi.

³Ma pwin jaunpei pan kapil ia pena, i jota pan majapwekada, o ma mauin pan wiaui on ia, i pan liki i.

⁴Iet eta, me i inon ion o men poeki ren Ieowa, i en mimieta nan tanpaj en Ieowa arain ai maur, pwen kilekilan jaraui kajelel en Ieowa kan, o ududial japwilim a im en kaudok.

⁵Pwe ni anjau apwal a kotin jinjila ia nan tanpaj a im pwal. A pan kotin karuk ia la nan tanpaj a im likau, o kotin kau ia da pon paip eu.

⁶A pan kotin kajapwil ia dan pon ai imwintiti kan, me kapil ia pena; i ap pan wiada mairon en kapin nan tanpaj a im pwal, i pan kaul o kapin on Ieowa.

⁷Main, kom kotin ereki nil ai, ma i pan likwir on komui, kom kotin maki on ia o mani ia.

⁸Monion i kin kataman kin komui omui majan: Komail rapa kin ia! I me i pil kin rapaki jilan omui. Main Ieowa!