Psalms 22:26-31

²⁶Pi’in ndariy ban’en rorad e yad ra kay urngin e tin yad ba’adag; pi’in yad be yib ngak SOMOL e bay ra pininged e sorok ngak. Manga yu gur pired ni bfel’ rogorad ndariy n’umngin nap’an!

²⁷Gubin e nam ni bay ra leam niged SOMOL. Gubin yang u roy u fayleng ni bay ra sulod ngak; gubin e girdi’ nu fayleng ni bay ra liyorgad ngak.

²⁸Ya SOMOL e ir e pilung, me ir e be gagiyegnag urngin e nam.

²⁹Urngin e girdi’ nib tolangan’rad e yad ra siro’ ngak, ma gubin e pi’in yad ra yim’ ni bay ra siro’gad u p’eowchen,

³⁰pi mfen ni bay rabad e bay ra pigpiggad ngak; girdi’ e bay ra weliyed murung’agen SOMOL ngak e tin bay yib e mfen.

³¹Ma pi’in ndawor ni gargelegrad e bay nog ngorad ni ngan ga’ar: “I SOMOL e ke ayuweg e girdi’ rok.”