Psalms 17:2-12

²Ya go’ gur e rayag ni mog ni bfel’ e rog, ni bochan e go’ gur e ga ma guy e tin rriyul’.

³Ga manang lanin’ug. Kamub ngog nnep’; ka mu sikeng nigeg ni polo’ ma dam pir’eg ba ar ar ni kireb u fithik’ag. Da gur ma yog ban’en nib kireb,

⁴ni bod nma rin’ boch e girdi’; ma gu ma fol ko motochiyel rom ma dagur lek kanowa’en e pi’in yargal.

⁵Gubin ngiyal ni gu ma yan u kanawo’em, ma dawor gu chef riy nga orel bingyal’.

⁶A Got, gu be meybil ngom, ya ga ma fulweg taban e meybil rog; ere mu sap ngog ngam rung’ag e thin rog.

⁷Mu dag fel’ngin e t’ufeg rom ma ga yororiyeg; ra gu bay u chirem ma dariy ban’en nrayag ni rin’ e to’ogor rog ngog.

⁸Mu ayuwegneg ni bod ni ga ma ayuweg e tir u marwam; mmithaggeg ko taglul’ u tan pom,

⁹ko pi cham ni be yib rok e pi’in kireb. Pi to’ogor nib tathang e pogofan e kar liyegedgag;

¹⁰dariy e marunguy rorad, mab tolang e thin rorad.

¹¹Kar chalngobiyedgag e chiney, u gubin yang ni gu ra cheal ngay, ni yad be changarnag rogon ni ngar girngiyedgag nga but’.

¹²Yad bod bogi layon, ni yad be son nigeg, ni yad ba’adag ni ngar popofedgag ni nochyang.