Psalms 147:3-14

³A kotin kamauiala me lol olar akan, o kotin kitim pena ar olar akan.

⁴A kin kotin wadok pena uju kan, o kin kida ad arail karoj.

⁵Atail Kaun me lapalap o meid manaman, o jota me kak dedeki duen a erpit.

⁶Ieowa kin kotin kamanada me luet akan, ap jikendi me doo jan Kot akan nan pwel.

⁷Komail kakaul on Ieowa, en wia pwin pajan o danke o kapina atail Kot ian arp,

⁸Me kin kotin pena kila lan tapok kan, o kotin kamoredi katau on jappa; me kotin kawojada rä pon dol akan,

⁹Me kin kotiki on man akan kan ar, rape pulepul akan, me kin likwir on i.

¹⁰A jota kin kotin kupura kelail en oj o, de nä en ol amen.

¹¹Ieowa kin kotin kupura, me majak i, me kin kaporoporeki a kalanan.

¹²Ierujalem, kapina Ieowa! Jion, kapina om Kot!

¹³Pwe i me kin kotin katenetenedi jal mata en om wanim akan, o kotin kapaiada noum jeri ko, me mimi lole.

¹⁴A kin kotiki on irair en jap om muei mau, o kin kotin kamana kin uk korn kajampwalia.