Psalms 119:160-176

¹⁶⁰Omui majan me dir en melel, o majan en omui kapun pan duedueta.

¹⁶¹Jaupeidi kan kin majamajan ia ni jokarepa; a monion i kin majak omui majan akan.

¹⁶²I kin peren kida omui inau dueta amen, me diaradar pai kajampwal eu.

¹⁶³I kailonki likam o juede kin irail, a i kin pok on japwilim omui kapun.

¹⁶⁴Pan ije pak i kin kapina komui ni ran ta ieu, pweki kujoned en omui kapun kan.

¹⁶⁵Me kin pok on japwilim omui kapun, kin popol melel, re jota pan jalonala.

¹⁶⁶Main Ieowa, i kin auiaui omui kamaur, o i kin peiki on japwilim omui kujoned akan.

¹⁶⁷Monion i kin kolekol japwilim omui kadede kan, o kin pok on irail melel.

¹⁶⁸I kin kolekol japwilim omui kujoned o kadede kan, pwe al ai kan karoj me janjal mo ’mui.

¹⁶⁹Main Ieowa, kotin mani ai nidinid, o kotin padaki on ia duen omui majan.

¹⁷⁰Re kotin mani ai kapakap, o dore ia la duen omui inau.

¹⁷¹Komui lao padaki on ia omui kujoned akan, kil en au ai ap pan kapina komui.

¹⁷²Lo i pan kauleki duen omui majan, pwe omui kujoned akan karoj me pun.

¹⁷³Lim omui en jauaja ia, pwe i piladar omui kujoned akan.

¹⁷⁴Main Ieowa, i kin inon ion omui kamaur, o i kin peren kida omui kapun.

¹⁷⁵Kom kotin ieian nen i, pwen memaur eta ap kapina komui, o lim omui pali maun en jauaja ia.

¹⁷⁶Nai raj on jip amen me janjalon jili o jalonala; kom kotin rapaki japwilim omui ladu, pwe i jota monokela omui kujoned akan.