Psalm 48:11-14

¹¹Kunmekbekenh kunu bininj nawu birrikang kuwarddekimuk Zion wanjh kabirrimarrmarr kore ngudda. Warridj ngudda God wanjh yidjaddjadme kundjalmak dorrengh, wanjh bininj nawu Judah benkebmawahmeng ngundimarnenjilngmakmen kore kabirriyo kuredbubuyika bedberre.

¹²Kandibekka ngudda bininj rowk kumekbe. Mah, wanjh ngurridjalrengehray kore kunred Zion. Ngurrirengehre dja ngurrirohrokmen kururrkkimuk ngarre.

¹³Mak ngurribolkna kore kawarnamhyo mankimuk dja mandjalmurrngrayek manbu kabolkwakbuyingun ngarre. Mak ngurrina rowk, kaluk yerrekah ngurribolkmulewan bu ngurrbenmarneyime nawu mawahmawah ngudberre.

¹⁴Kaluk ngurrbenmarneyimen, “Namekbe God, wanjh God kadberre munguyh munguyh. Nungka wanjh kandjalkan munguyh munguyh.”