Mbouŋ To Yes Israela 48:11-14

¹¹Gabizooŋ tsio, ene iduduuŋ mon. Tauvene tamtamon tisov to nugh Zion, tomania nugh nugh to Yudea lolozi poia kat ve tintinizi.

¹²Yam aburig ve alaghlaagh ila nugh Zion loolo. Ala aghita didiiŋ ariaaŋa tau ilivut nugh na.

¹³Anin ruum dabazi mamalaua tau yes zaaba tiyozyooz ila to tiyeel koiazŋa. Ve matamim ila pa ruum ariaŋazi to zaaba tiyooŋ ila ve tigham malmal. Leso yam aat asavia nugh tane pa paaghu tsiam tau pale tivot murei.

¹⁴Pale asaav pazi tauvene: “Maaron toit tane, i ariaaŋa imin nugh Zion. I ileep irau saawe. Ve i pale imuuŋ pait, ve itotoi eez pait taghon taghon gha ila.”