Psalm 35:5-27

⁵Ren wiala dueta dip en kisin war akan mon kisiniang, o tounlang en Ieowa sikin irail wei.

⁶Al arail en rotorotala o kitentel la, o tounlang en Ieowa en kotin pakipaki irail.

⁷Pwe re insensara ia, pwen kame ia la, ap sota karepa, o re wia por ong ia, a sota karepa.

⁸A en seseinlek lodi ong kalokolok; o insar me a wiadar, pein i en lodi ong; o mela en lel ong i wasa o.

⁹A ngen i en perenki Ieowa o polauleki a kotin sauasa ia.

¹⁰Kokon ai kan karos pan inda: Maing, is me rasong komui? Pwe kom kotin sauasa me luet o ong me a sota itar ong, o kom kotin sauasa me luet o samama ong me lolap akan.

¹¹Saunkadede likam kai u ong ia, kalelapok re i, me i sota asa due.

¹²Re kin depukki me mau me sued, pwen kainsensuede kin ia.

¹³A ngai, ni ar somau, i puri ong nan tuk en likau, o kaloke pein ngai ni ai kaisesol, o kapakap sang mongion i.

¹⁴Ngai wiai ong ir dueta ong kompoke pa i o udan ri ai; ngai insensued dueta amen, me kin loleitki in a.

¹⁵A irail peren kida ai sikilikel o pokon pena. Men lalaue pokon penang ia o song en aramas, me i sasa, kin lalaue ia ansau karos.

¹⁶Re ngi tete ong ia, irail, me kin sansalmau o lalaue pweki kisin manga.

¹⁷Maing, arai da, me kom pan kotin masani mepukat? Dorela ngen i sang arail mesued, o maur ta ieu sang laien pulepul akan.

¹⁸I pan kapinga komui nan momodisou laud, o nan pung en aramas toto i pan danke komui.

¹⁹Der mueid ong ai imwintiti nin sokarepa, ren peren kin ia, o me kin kailong kin ia nin sokarepa, ren der lalaue ia ki mas arail.

²⁰Pwe ar lokaia sota kin kareda popol, o re kin madamadaua, en dipi ong me lelapok kan nan sap o.

²¹O re sar pasang au arail ong ia indada: Io io, pein kit kilanger.

²²Maing, kom kotin mangi mepukat, kom der kotin nenenla, Maing, kom der doo sang ia!

²³Kotin opala wasa o kipada, pwen kapung ia la o ai dodok, ai Kot o ai Kaun.

²⁴Maing, ai Kot, kotin kapung ia la duen omui pung, pwe ren der peren kin ia.

²⁵Der mueid ong, ren inda nan mongiong arail: Io, io, i me se men! Der mueid ong, ren inda: Kitail katalalar i.

²⁶Irail karos, me peren kida ai apwal akan, en namenokala o kankaurura la, ir me poponmaso ong ia, en likau kida namenok o kankaurur.

²⁷Irail me kin peren kida ai pung en ngisingis o pereperen, o ren inda ansau karos: Meid kapinga ong Ieowa, me kin perenki sauasa sapwilim a ladu o,