Psalm 141:1-8

¹MAING Ieowa, i kin likwir wong komui, kom kotin madang dong ia; kom kotin ereki ngil ai, ni ai pan likwir wong komui.

²Kom kotin kasampwaleki ai kapakap dueta mairong isis; o pokadan pa i kat dueta mairong eu ni sautik.

³Maing Ieowa, kom kotin sinsila au ai, o pera kil en au ai.

⁴O der kotin kainong ong me sued kot mongiong i, pwe i ender iang me doo sang Kot akan wiada me sued, o i ender iang ir kangkang, me re kin iauki.

⁵Me pung amen en kame ia ni a kadek, o kapung ia, pwe iei me pan mau ong ia dueta le ong mong ai, mepukat i sota pan kang, o i kin kapakap ansau karos, pwe ren der wiai ong ia me sued.

⁶Kalua parail en pisikendi sang pon paip; irail ap pan duki ong ai padak o asa, me ir me mau.

⁷Duen amen pan wera pasang sap, iduen ti ’t akan, me lokidokila ni kailan wasan mela.

⁸Ari so, mas ai kin ariri komui, Maing ai Kot, i liki komui, kom der kotin kasapokela maur i.