Miti Mânec 141:1-8

¹O Wofuŋ, no wâsicgukopac, fâro jaha ware baficnuc; wira‐garepe marac fânâŋ‐nane manac.

²Nunumu‐nanere manatec hosâc âsu biaŋ ezejec, me bâbâfeŋke‐nanezi ŋafere taha bâzi egarezejec.

³O Wofuŋ, go micnane rucbapa râecnezemec, bipic‐nanere motâc soŋaŋkehuc juzemec.

⁴Maŋnanezi wiac sâqocne mi worickezejec; eebapa sindaŋne ba bâuac mi ezepac; gie hehesicne baeŋgopieŋ jaŋehec ââgo ehuc jaŋeraonec wiac aŋacne ro nâc ezore takicnuzejec.

⁵Ŋic tiŋne juekaczi urucko qa bâtiŋ me mu bâtiŋ enarezejec, ŋic sindaŋnezi ine qizec‐nane tokic mi ruacnezejec. Nunumu‐nanezi eebapa‐ticne sindaŋne ʒuʒuhuc jaha râsi ecneekac hâcne.

⁶Eme dâŋ mumutara jaŋere meo râec‐jopapie ʒiŋuc mananiŋmu: Wofuŋte dâŋ i fârine.

⁷Qânâ hefâuckerâ dâkâne behepie iriŋ tierâ foraekac, siec‐jeŋic iŋuc behepie hâmoc haere motâcko foocmu.

⁸No ine ʒâŋe gorao fihuc jukopac, o Wofuŋ Anutu; dapeŋgao soŋkekopac, juju‐nane hâmoc mi behecnec.