Proverbs 11:23-29

²³Kariimet munan ningo la ko kua lagasan, mu bagara ningo arigimonko; bare kariimet kilek ikia memek ko kua lagasan, mu Yawe ko gomang magara arigimonko.

²⁴Kari amilmil te ko melmasak kariimet sang nungarso guruguso mu, me ta tukunangaso, bo bo karogo am giwoso; bare kari ko melmasak ko dogotak soroso, mu nama eng am kumik mel mena ko arataso.

²⁵Amilmil te kariimet mel nungara ko kari mu pempem mel karogo la lagarukko; awiriya kariimet sang yu te nunga sangarso, mu ko koma nu betela yu te sangarmonko.

²⁶Kari ko na inang guramoso mu, kariimet kumik ko bala memek balu gilingisan; bare kari kuting urukuso se kote na inang diasan mu, bala ningo kumik ko balsan.

²⁷Awiriya munan ningo karo tui lagoso, mu nuna koma munan ningo kote betemonko; bare awiriya munan memek bita karo lagoso, mu koma munan memek arigiso.

²⁸Awiriya ko mel ningo ningo te ira sanamoso mu dagulokko; bare kari ningo diram mu, tam gawa maramarak iwita marak bagarukko.

²⁹Kari ikup memek tagi ko imet kuriang nungumik te beteso, mu mel ningo bo me taso; ikia sinar mena alo mu, kari ikia sinar ago mu nunga dungan kari bagamonko.